இவைகள் காதல் சொல்லும் கவிதைகள்

Copyright : favim.com

என் அத்தனைத்
தவறுகளுக்குமான ....
மன்னிப்பு
உன் காதல்

Copyright : weheartit.com

அன்பே !

உன்

பார்வைக் கவிதைகளுக்காக

பத்திரமாய் பாதுகாக்கப்படுகின்றன - என்

இதய வெற்றுக்காகிதங்கள்.

  

நம் கண்களின் கல்யாணத்திற்கு - ஏனடி

என் இமைகளுக்கு விவாகரத்து...

சேர்த்து வைத்துவிடு  - நம்

முதலிரவில் அல்லது - என் 

முடிவிரவில்.

Copyright : photoblog.subpixel.eu

சுண்ணாம்பு அடிக்காமல் 

சுவற்றுச் சித்திரமாய் 

பாதுகாக்கப்படும் - என் 

சிறுவயதுக் கிறுக்கல்களாய் ...

உன் நினைவுகள் !

Copyright : http://www.fotokanal.com

என்னவள்

வெட்டி

விட்டெறிந்த 

விரல் நகம் தான்- வானத்தின்

பிறை நிலவோ!!!

Copyright : Flickr

அது !

என்னவோ தெரியவில்லை

காதல் கவிதைகள் எழுதும்

பேனாக்கள் மட்டும் 

நிரப்பப்படுகின்றன ....

காதலனின்

கண்ணீர் கொண்டு !!! 
  

Copyright : Flickr

பார்த்து செல்லடி - என் இதய சாலையில் 

பள்ளங்கள் பலவிருக்கும் - உன்னைப்

பார்த்து பார்த்து காதல் செய்ததால் !!

Copyright : Flickr

என் உதட்டை பூட்டுகின்ற
உன்னத சாவி

அவள்  விழிகள்.

Copyright : Favim.com

அன்பே!
உன் கண்ணீர் சுட்டதால் என்னவோ!
பூப்பெய்த மறுக்கின்றன – என்
கல்லறைப் பூங்காக்கள்.

Copyright : http://hdwallpaper9.com

ரோஜா இதழ் கூட சற்று கடினம் தான் ...

உன் இதழை ஒப்பிடுகையில்!

பனித்துளியில் மறைந்திருக்கும் ரோஜா இதழ்கள் ;

நீ சற்று அனுமதி தந்தாள் ..

என் இதழ் பனியில் மறையும் உன் ரோஜா இதழ்கள் !!

Copyright : newpip.blogspot.com

அன்பே
மோதல்கள்  சத்தம் தருமாமே !!
நம் கண்கள் மட்டும் என்ன விதிவிலக்கா?

- சத்தியசீலன்@கிறுக்கல்கள்100 

ஜனனம்

Photo Courtesy : Arun

குறிப்பு:  எனது நன்றிகள் தோழர் அருண் அவர்களுக்கு .... அவர் அனுப்பிய புகைப்படத்திற்கு நான் எழுதிய வரிகள் .


இறக்கப் போகும்
இரு ஜீவன்
இரக்கமில்லாமல்
இறப்பதற்காக
இன்னொரு ஜீவனை
ஈன்றெடுக்கும்
இன்பவிழா
ஜனனம் !

- சத்தியசீலன்@கிறுக்கல்கள்100

தமிழா ! தமிழோசைக் காண் !

copyright : Srikanthbfa

தமிழே!
தேனே!

கனியே!

அமுதே!

ஆசையில்லா மனிதனுண்டா ?

ஓசையில்லா மொழிகளுண்டா?

ஆசைகள் வளர்ச்சி தரும்;

பேராசை அழிவைத் தரும்.   

ஓசைகள் இன்பம் தரும்;

தமிழோசை அமுதம் தரும்.

ஒரு நாள் அதிகாலை

அணைத்து மொழிக்கூட்டம்.

மொழிகள் பேசியது - தம்மை

முன்னிலைப் படுத்திக் கொள்ள.

ஆங்கிலம்  சொன்னது

அகிலம் ஆள்பவன் நானென்று !

இந்தி சொன்னது

இந்தியாவின் மொழி தானென்று!

சமஸ்கிருதம் சொன்னது 

ஆண்டவனறியும் மொழி தாமென்று!

தமிழ் சொன்னது - உங்களின்

தாய் நானென்று !!!

மலரும் மழலை கூறும் "அ"கரம்

முதுமை மொழியும் ஆயுதம்

பிறமொழியில் காணாத "ழ" கரம்

அப்பப்பா ....

தமிழ் எத்தனை இனிமை - இது

தமிழன் மொழி என்பது பெருமை.

இசைக்கு உவமை குயில்

அது கூவும் மொழி தமிழ்.

மழைக்கு ஆடும் மயில்

அதுகுளிருக்கு  போர்வை தந்தது தமிழ்.

கருத்துக்கு முதன்மைப் பெறுவது குறள்

அதுபிறந்து வளர்ந்த மொழி தமிழ்.

வன்மையைச் சொல்ல வல்லினம்

மென்மையைச் சொல்ல மெல்லினம்

இடைப்பட்ட நிலைதான் இடையினம்.

அறிவாயா நீ காரணம்?

வன்மைக் கொள் அதர்மம் தீண்டும் நேரத்தில் 

மென்மைக் கொள் காதல் தொடும் தருணத்தில்

இடையில் நில் கோபம் வரும் தீக்கணத்தில்.

மனதின் ஓசை கேட்டால் ...

பகைமைக் கூட நட்பாகும்.

மழலை ஓசை கேட்டால்...

கோபம் கூட பாசமாகும்.

இயற்கையின் ஓசை கேட்டால் ...

கற்கள் கூட கவிதையாகும்...

தமிழின் ஓசை கேட்டால்...

தகரம் கூட தங்கமாகும்.

தமிழா !

தமிழோசை காண்

மனதாசை வீண்

மணியோசை இனிது

தமிழோசை அமுது

குழலோசை கானம்

தமிழோசை ஞானம் 

மழலையோசை உன் படைப்பு

தமிழோசை அவன் படைப்பு.

தமிழை தெரிந்தவன் கால் மனிதன்

தமிழை அறிந்தவன் அரை மனிதன்

தமிழை உணர்ந்தவன் முக்கால் மனிதன்

தமிழை காப்பவன் முழு மனிதன்.

தாயை மறந்தவன் தரம் கெட்டுப்  போவான்;

தமிழை மறந்தவன் தானழிந்து போவான்.

- சத்தியசீலன்@கிறுக்கல்கள்100 

இவ்வளவு அழகானதா இலங்கை ?

Copyright : tamilwin.com

குறிப்பு : நல்லதொரு முடிவை உலகம் எடுக்கட்டும் ; அதுவரை என் குருதி கொஞ்சம் கொதிக்கட்டும். போராடும் மாணவர்களுக்கு கிறுக்கல்கள்100 சார்பாக வணக்கங்கள்.

இவ்வளவு அழகானதா இலங்கை !

ஒற்றை மரம்.
அதனைக் கடந்து செல்லும் ஒரேயொரு பறவை.
பசுமை பொங்கும் புல்வெளி
பனித்துளி படர்ந்த சிலந்தி வீடு
செவ்வானத்தையும் செம்மண்ணையும் இணைக்கும் புளுதிப்போர்வை

என முதல் சில நிமிடங்கள் அனைத்தும் கேமரா கவிதைகள். வாழ்த்துக்கள்

அழகை ரசிக்கும் பொழுதே, அழுகை தொட்டுவிடுகிறது நிதர்சனக் காட்சிகளால்.

ஆற்றாமையை விழிகளில் தாங்கும் தமக்கையும் தமையனும்

விழி இழந்த பெரியவர்

மென்சோகம் கொள்ளும் நிறைமாத தமிழச்சி

போரின் வடுக்கள்

கனவுகளைத் தேடும்  சிறார்கள் 

முள்வேலி முகாம்கள் 

என அடுத்து வரும் எல்லாம் மனதைப் பிழியும் நிதர்சனங்கள்.

" நாங்க இருந்து  ஆண்ட பூமியெல்லாம் இல்லேன்டாங்க ! " எனும் முதுமையின் வார்த்தைகள் .... உள்ளத்தின் வலிகளின் வெளிப்பாடு.

பிளஸ்  - ஒளிப்பதிவு, இசை .

மைனஸ் - கருத்து அமைப்பு, திரைக்கதை வீரியம்.

வாழ்த்துக்கள் ! SHELLY

Srilanka = ஒரு முறை பயணம் செய்யலாம்.

- சத்தியசீலன்@கிறுக்கல்கள்100

♥ குட்டி குட்டி காதல் கவிதைகள் ♥

Copyright : Transformers Film

நீயும் காலன் தானடி - என்

காதலை வதை செய்ததால்

நானும் பாவம் தானடி - உன்னை

நான் காதல் செய்ததால்.  

♥

தேவதையே !

உன் நினைவுகள்

என்னில் வரும்பொழுதெல்லாம்

நானும் பைத்தியம் தான் - என்

அறைசுவர்களுக்கு.

♥

 

அன்பே! 

காகிதங்களின் காயங்கள்

கவிதைகள் தானடி - என்

இதயத்தின் காயங்கள் - நம்

காதல் தானடி !

♥ 

    -   சத்தியசீலன்@கிறுக்கல்கள்100